قابلتك يوم

قابلتك يوم ... وسيبتك لما قولتيلى مليش فى الحب

وفات ١٠٠ يوم... ومن يومها وانا قلبى اكيد بيحب

وأصعب حاجة فى الدنيا أحب سراب

وأبات مهزوم لعشق اكيد طلع كداب

وأضيع عمرى على واحدة بتقتلنى

وانا حاضر على بابها وهى غياب

*****

وعمر البعد يا حبيبتى ما بيداوى... انا اللى ف وسط بحر الشوق معداوى

وشايف من بعيد مرساكى... لا انا ساحر عشان أوصل ولا حاوى

*****

بحبك آه وبارسم صورة لرجوعك متكملشى... وكل ما ادق على بابك ميفتحشى

تعبت خلاص وجرح البعد بيعلم... اخبى حنينى بين عينى وبين ومشى

*****

قابلتك يوم

حبيبى جالى

حبيبى جالى من بعد غياب.... حلوة الليالى راح العذاب

ورجعلى الحب...لما حبيبى جالى

بيدق القلب...لما حبيبى جالى

واحلوت كل حاجة ف عينى من غير حساب

مهمــــا يحصـــــــل

مهما يحصل من مشاكل فى الحياة

عمرى ماأتغير فى حبك لا

أصلى من غيرك مليش أعيش

إلا وحياتى ماليها جرح وآآآآآه

إوعى تفتكرى إنى بازعل منك... إوعى تفتكرى إنى بابعد عنك

ده كل ما فيها إنى مش شايف... حد غيرك أشتكيله همومى

اللى بيصبرنى فى همى إنك...شايلانى أكتر ما شايلة هم نفسك

معاكى مهما يكون مش خايف... يا أحلى ما شفت لما أقوم من نومى

خليك حنين عليها

أنا مش هاسامح نفسى لو هاجنى عليك

كل نظرة وهى معايا كانت تنده عليك

خليك حنين عليها... وخدها من إيديها

وريها إيه الحياة... اللى بتحلم بيها

أنا ياما حلمت بيها وكنت ظالم ف عينيها

وعمرى ما كنت أتمنى أجرح فيك أو فيها

لو كنت أعرف م الأول إنى أنا مش ليها

ولاكنت منيت نفسى ولا إشتريت فيها

أتناقش معاك

غلبتنى وياك...وتعبت قلبى معاك

قربت أحرم تانى...أتناقش معاك

دايماً عايزنى معاك...أوافقك وأمشى وراك

ولو فى مرة خالفتك...تقلبها زعلة معاك

هو إنت يا تعذبنى... يا تمشى وتسيبنى...مفيش حل وسط

دى حاجة بتعصبنى...لما أناقشك إنى ...دايماً عندى الغلط

خلى بالك صبرى أوشك ع النفاد

خلى قلبك يفهم ويبطل عناد

أى حاجة إنسانية ليها أكتر من وسط

وأما باشرح وجهة نظرى مش باقول إنك غلط



يا بختك بقلبك

يا بختك بقلبك بتقدر عليه....بينسيك حبايبك ده قلبك ده إيه

وتملى بيطاوعك ومفيش مرة لاوعك...وأنا قلبى تاعبنى ومش باقدر عليه

يا بختك بقلبك ده قلبك ده إيه

لاعمرك بتسهر ليل زى الحبايب...ولا جيتنا فى مرة مشتاق والقلب دايب

وزايد فى دلالك وإحنا مش فى بالك... ورميت قلبى فى هواك ومش سائل عليه

يابختك بقلبك ده قلبك ده إيه

تعالى حبيبى شوف اللى جرالى...فى بعدك ياغالى ولا إنت دارى

وسايق فى دلالك ولاإحنا فى بالك... ورميت قلبى فى هواك ومش سائل عليه

يابختك بقلبك ده قلبك ده إيه

عارفة ليه

عارفة ليه عمرى فداكى... عارفة ليه حياتى معاكى

عارفة ليه بحس إنى عايش باتنفس هواكى

خليكى معايا وهأقولك ليه

وقفتك جنبى طلعتنى لفوق

وخلتينى وأنا بعيد عنك مش بأبطل شوق

ورغم إنى عرفت قبلك... إلا إنك

عرفتينى إنه كان وهم...وكان لازم أفوق

عرفتى ليه

ده غير وأنا معاكى عددنا زاد اتنين

وكبرونا ونوروا حياتنا وملوا علينا البيت